THEOTFRIDI Monasterium (S.)

S. THEOTFRIDI Monasterium

Galliae, inter Monasteria â Ludovico Imperatore aut reparata, aut a fundamentis exstructa: aliis communi nomine Monastier, aliis a Patrono loci, S. Chaffre, hoc enim incolis Theotfridus est, dicitur. Olim Calmiliense aut Calmeliacense Monasterium, a loco, in quo situm erat, appellatum fuisse aiunt, positumque esse in Vellavis, ad Ansam fluv. qui in Ligerim defluit, et ad radices celsissimi montis, non longe a podio. Quaedam tabulae non S. Chaffre, sed S. Clefride nuncupant, atque a Monasterio Monastier distinguunt.